مهرجهكانی به ئهندامبوون و بهشداریكردن له كۆنگرهدا و ههندێك خاڵی دیكه ١. ههر كهسێك ئهندامی پارتێكی دیكهیه و خوازیاره له پارتی سۆسیالدیموكراتیی كوردستاندا ببێت به ئهندام دهبێت لانی كهم یهك مانگ پێش داواكردنی ئهندامێتی به نووسراوه واز لهو پارت یان ڕێكخراوه بهێنێت كه تیایدایه. ههروهها ههموو جۆره حیسابێكی سیاسیی و كۆمهڵایهتیی و داراییان لهگهڵدا ببڕێنێتهوه. ئهندامی پارتی سۆسیالدیموكراتی كوردستان بۆی نییه كه هیچ باس و خواستێكی كهسیی خۆی دژ به پارتێكی دیكه كه لهوهبهر ئهندام بووه تیایدا بهێنێته ئاراوه. ٢. ئێمه پارتێكی ناڕهزایی نیین كه ههر كهسێك لهگهڵ پارت یان ڕێكخراوهكهی خۆیدا جۆرێك له ناكۆكی ههبێت بێت و له پارتی سۆسیالدیموكراتی كوردستاندا ببێت به ئهندام. ئێمه لهگهڵ ئهوهداین كه ئهندامی پارت و ڕێكخراوهكانی دیكه له پێشدا ههموو جۆره كێشه و بێنهبهرهیهك ببڕنهوه بهر لهوهی بیانهوێت له پارتی سۆسیالدیموكراتی كوردستاندا ببێت به ئهندام. پارتی سۆسیالدیموكراتی كوردستان بۆ ئهوانهیه كه به دڵ و به گیان پێڕهوی ناوخۆ و ئایدیۆلۆژیی سۆسیالدیموكراتیی قبووڵ دهكهن، نهك ئهوانهی له پارتی و ڕێكخراوی خۆیان تووڕه و زوێرن. ٣. ههر كهسێك داوای ئهندامهتی بكات دهبێت سوێندی نووسراوه بخوات كه هیچ جۆره سزایهكی یاسایی لهسهر نییه، كه دوژمندار نییه، كه كێشهی كهسیی خۆی ناهێنێته ناو پارتی سۆسیالدیموكراتی كوردستانهوه، كه زیاتر له یهك ژنی نییه، كه پارهی نهخستووهته ناو سههمهوه، بهتایبهتی پارهی زۆر و سههمی كهمپانیای سێكس و چهك و شتی لهو جۆره. لهو دۆخهدا دهبێت كۆپیهكی سههمداریهكهی نیشان بدات. ٤. ههر كهسێك داوای ئهندامهتی بكات دهبێت ئاماده بێت بۆ ههموو یان بهشێكی ئهو كۆرس و دهورانه بچێت كه بۆ پهروهردهی ئهندامانه سهبارهت به مێژوو، ڕهووشت، خهبات و ئایدیۆلۆژیی سۆسیالدیموكراتیی. ٥. پارتی سۆسیالدیموكراتی كوردستان به ٦٠ ڕۆژ پێش بهستنی كۆنگرهی یهكهم بۆ دامهزراندنی ڕهسمیی پارتی سۆسیالدیموكراتی كوردستان به ههموو ئهو كهسانه ڕادهگهیهنێت كه مهرجهكانی بوون به ئهندامیان پڕ كردووهتهوه تا بهشداریی له كۆنگرهدا بكهن. لهوێدا ههروهها پێش مانگێك قسهوباس لهسهر ناوی ئهو كهسایهتیانه دهكردرێت كه بۆ كۆنگره داوهت دهكرێن. ٦. ههوڵدهدرێت كۆنگره له ڕووی جوگرافیهوه له ناوهڕاستی ئهو شوێنهدا ببهسترێت كه بۆ ههمووان نێزیكه. ٧. ههموو كهسێك دهبێت ناوی تهواوی خۆی، ناونیشان و كورتهیهك له ژیاننامهی خۆی بنووسێت و باسی بكات كه بۆ دهیهوێت له پارتی سۆسیالدیموكراتی كوردستان دا ببێت به ئهندام. ههروهها دهبێت لانی كهم ئاماژه به دوو كهس بكات كه دهیناسن. ٨. ههموو كهسێك لهوانهی ئاگادار دهكرێنهوه بۆ كۆنگره، به دوو ههفته پاش ئاگاداركردنهوهكهیان، دهبێت به نووسراوه پێشنیار و ڕهخنهی خۆیان بنووسن و بینێرن. ئهمه بۆ ئهوهیه كه دووبارهكردنهوه له پێشنیار و ڕهخنهدا ڕوو نهدات و كه به باشترین شێوه كات بۆ باسهكان دابنرێت و به پێی گرینگی و