كاتێك تۆ كهسێك بیت: - كه بڕوات بهوهیه كوردستان دهبێت خاوهنی خهزێنهیهكی نهتهوهیی بێت و كه دیار بێت چۆن و چهند پاره دێته ناوی و چۆن و چهندی لێ دهچێته دهر - كه بڕوات بهوهیه گهلی كوردستان دهبێت خاوهنی داهاتی دیار و ئاشكرا و قابیلی پشكنین و لێڕووانین و پیاداچووونهوه بێت - كه بڕوات بهوهیه كوردستان ههر به تهنها بۆ ئهوانه نییه كه ئێستا لهسهری دهژین بهڵكو بۆ ههموو ئهوانهشه كه له ئاییندهدا گهوره دهبن و لهدایك دهبن، كه دهبێت كوردستانێكی ههمیشه باشتر و ئاوهدانتر بۆ نهوهكانی ئایینده جێبهێڵرێت - كه بڕوات بهوهیه كه نابێت ڕهنجی كاری ههرهوهزیی له دهست كهسێك یان چهند كهسانێكی خانهوادهدا ببردرێت و بخوردێت - كه لهو كهسانهی كه به وێنهی شههید فریو ناخۆیت، بهڵكو دهپرسیت: كوا بهرههم و خهباتی ئێستا؟ - كه بڕوات به دادوهری كۆمهڵگایه - كه دهزانیت تا ئێستا كهسانێكی ژماره كهم به ئارهزووی خۆیان سووئیستیفادهیان له ڕهنج و خهباتی خهڵك كردووه و وهك ماشێنی بار دهیانهێنن و دهیانبهن و پاشان له كاتی ماندووبوون و نهخۆشبوونیاندا وهك ئۆتۆمۆبیلێكی شكاو مامهڵهیان لهگهڵ دهكرێت - كه بڕوات به بهشداریی كردنی ئافرهتانی كوردستانه و پێت وایه كه بوونی ئهوان له بازنهكانی بڕیاردانی سیاسییدا گرینگه - كه پێت وایه توانای زانستیی و تیئۆریی، ههڵسوڕاویی، خۆشناویی و خاوهن بهرههم و مێژوویهكی سهقامگیر له كهسایهتی سیاسییدا پێویسته - كه به جۆرێك بڕوات به لێكدانهوهیهكی دیموكراتیانه و ئاشتیخوازانهی سۆسیالیزمه - كه پێت وایه پێكهوه به كاری ههرهوهزیی و دڵخوازیانه، به ههبوونی سیستهمی دروست و ئاونهدز، دهتوانین خهبات بۆ كۆمهڵگایهكی بهختهوهر و خاوهن بهرههم و ئاسایش بكهین - كه بڕوات به دیالۆگ و ڕیفۆرم و ههنگاوی چارهسهری ئارامه - كه بڕوات به دهستهڵاتی یاسایه و ئامادهیت كه به ڕێگای خهباتی سیاسیی و ئاشتیانه ئهو یاسایانه بگۆڕدرێن كه پێت وایه له قازانجی زۆرینهی كۆمهڵگادا نیین - كه پڕوات وایه كه به هیچ شێوهیهك نابێت ئایین دهست وهربداته دهوڵهت و یاسا و حوكمهت و دادگاكان و خوێندنگاكان و نهخۆشخانهكان و كاروباره كۆمهڵایهتیهكان - كه بڕوات به بردنهوهی دهستهڵاتی سیاسییه له گۆڕهپانی دیموكراتی و به پێی ههڵبژاردنی ئازاد و له ناو زهمینهی پلورالیزمی سیاسییدا - كه بڕوات به ئازادیی تاكهكهس، ئاخافتن، دهربڕین، خۆپیشاندان، مانگرتن و چالاكیی دیكهی سڤیلیی نازهبرئامێزه - كه بڕوات به پاراستنی شانازیی و سهربهرزیی مرۆڤه - كه دژ به ههموو جۆره تیرۆرێكی كهسایهتی و شكاندنی ویژدانی مرۆڤیت - كه له ڕێكخراوگهلی چهپی سوننهتی و لێنینیستی و ستالینیستی ماندوویت - كه دهوێریت پرسیاری قورس له دهستهڵاتداران بكهیت - كه له ههڵبژاردنی نادیموكراتیانهی لێپرسراوانی سیاسیی تووڕهیت و پێت وایه سیاسهتكردن دهبێت سنوور و میچ و بنمیچی ههبێت، دهبێت ڕوون (شهفاف) و دیموكراتیانه بێت و به پێی پرینسیپی ههڵبژاردنی ئازادی دیموكراتی ئهنجام درابێت ئهوا دهشێت خاوهنی كهسایهتیهكی سۆسیالیستدیموكرات بیت كه له ناو پارتی سۆسیالدیموكراتی كوردستان دا جێگای خۆت ههبێت و كار بۆ خهون و ئاییندهبینیهكانی خۆت بكهیت. پێڕهوی ناوخۆی پارتی سۆسیالدیموكراتی كوردستان بخوێنهوه، پێشنیاری خۆت بده، ڕهخنهی خۆتی لێبگره و بهشداریی له چاندنی كولتورێكی سۆسیالیزمی دیموكراتدا له كوردستان بكه. وهره، له دروستكردنی مێژوویهكی نوێدا بهشدار به! بهخێربێیت!