شاندێکی هاوپەیمانیی سەربەخۆخوازان سەردانی بنەماڵەی شەهید مەشعەل تەمۆ و پێوەندییەکانی ڕەوتی دوارۆژی کورد لە سووریاـ ی کرد
ڕێکەوتی ٢١ی ڕەزبەری ٢٧١١ی کوردی ١٣/١٠/٢٠١١ ی زاینی. شاندێکی هاوپەیمانی سەربەخۆخوازانی ڕۆژهەڵاتی کوردستان، کە پێکهاتبوون لە بەڕێزان عارف باوەجانی سەرۆکی پارتی سەربەستیی کوردستان و وتەبێژی هاوپەیمانی سەربەخۆخوازانی ڕۆژهەڵاتی کوردستان. و ئاهورا هەورامی ڕاوێژکاری سەرۆکی پسک، فەرحان کەرەمی و جەوهەر میرزایی و ئارێز مەریوانی ئەندامانی پێوەندییەکانی پسک.
هەر وەها شاندی پارتی لیبراڵدیمۆکراتی کوردستان بەڕێزان عەلی زیرەک سەرۆکی پارتی لیبراڵ و موحەممەد جەمشیدی جێگری سەرۆک. سەردانی بنەماڵەی شەهید مەشعەل تەمۆ و پێوەندییەکانی باشوری کوردستانی "ڕەوتی دوارۆژی کورد لە سوریا" یان کرد.
کە لە لایەن بەڕێزان فارس تەمۆ کوری شەهید مشعەل تەمۆ، و سەردار موراد نۆێنەری باشوری کوردستانی رەوتی دوارۆژی کورد لە سوریا، غەزی حەسۆ بەرپرسی پێوەندییەکانی کوردستان بە گەرمی پێشوازیکران.
لەو دانیشتنە ماتەمینی یەدا هەر یەک لە بەڕێزان عارف باوەجانی و عەلی زیرەک بە نۆێنەرایەتی هاوپەیمانی سەرەخۆشی خۆیان ئاراستەی بنەماڵە و ئەندامان و لایەنگران و گشت خەڵکی رۆژئاوای کوردستان کرد.
ئامادەیی و پشتیوانیان هاوپەیمانیان بە پێێ ئیمکان وتوانا بۆ جووڵانەوەی ڕۆئاوای کوردستان دەربری.
هەر لەو دانیشتنەدا کە ١ کاتژمێر درێژەی هەبوو، باسێکی گشتی لە سەر ڕەوشی ئیستای سوریا و ڕۆژئاوای کوردستان شرۆڤەی لە سەرکرا.
هەر لەو مەجلسە سەرەخۆشییەداجەختکرا لە سەر بە هێزکردنی پێوەندییەکانی نێوان پارتەکانی ئەندام لە هاوپەیمانی سەربەخۆخوازن و ڕەوتی دوارۆژی کورد لە سوریا بە مەبەستی پشتیوانی کوردستانیان لە یەکتری.
هاوپەیمانی سەربەخۆخوازانی ڕۆژهەڵاتی کوردستان
پارتی سەربەستیی کوردستان
پارتی لیبراڵ دیمۆکراتی کوردستان
کۆمەڵە: پارتی سۆسیالدیموکراتی کوردستان
٢١ی ڕەزبەری ٢٧١١ کوردی، ١٣/١٠/٢٠١١ی زایینی
hawpeimani@gmail.com
hawpeimani@gmail.com www.psk2006.org www.psdkurdistan.org
